العاشق قصيدة للشاعر حمدي أبو سوسو

قصيدة يعرضها الشاعر حمدي أبو سوسو ابن مدينة دسوق للسادة قراء موقع بوابة كفر الشيخ الإخبارية، والقصيدة كالنالي


الفرق اللى بيني وبينك يا أبو قلب خالي
إنك لا حبيت ولا سهرت الليالي
وأنا الفكر طير عقلي مني ولا جالي
وقلبي داب ومش لاقي جواب لسؤالي
ليه ماجتش على بال حبيبي اللي دايما على بالي

وأنت قلبك محدش مشركك فيه
وعقلك فى راسك مكانه تلاقيه
ولا حبيت فى يوم حب تندم عليه

دا الفراق بيخلي العاشق مهووس
بينام ويصحى على كابوس
وبيحلم دايما باللى على قلبه بيدوس

أنا اللى أخترت أكون عاشق
ومعرفش نهايتى إيه
وسهم الحب فى قلبي راشق
ومحدش بيداويه

وأنت يا بختك بقلبك اللى ما أنقسم نصين
وعقلك اللى عارف مكانه فين
ولا مشيت وتهت فى سكة العاشقين

 

الشاعر حمدي أبوسوسو

اكتب تعليقك هنا