بوابة كفر الشيخ الإخبارية
kfsnewsgate

بدون تفكير..الحل السحري ليس في الحظر الكلي

0 40

بدون تفكير..مسئولية الشعب لانها نتيجة سلوكه وتصرفاته، وبالنسبة للحظر الكلي اللي ناس كتير بتلوم علي الحكومة إنها مفرضتوش وفاكرة إنه الحل السحري اللي هيقضي علي عدد الإصابات الجديدة بفيروس كورونا فده مجرد شماعة اللي بيطالب بيه عايز يخلي مسئوليته ويرمي المسئولية علي الدولة والحكومة برغم إن هتلاقيه من اوائل الناس اللي بتنزل في تجمعات !!

الحكومه معطستش في وشك إنت اللي نزلت في تجمعات بدون حتي ماتستخدم أدوات وقائية وعملت زيارات وقولت سيبها علي الله مرة ، ومرة تانية قولت دي فزاعة !! ، ومرة تالته قولت أنا مناعتي أقوي مناعة في الدنيا !! والنتيجة كانت اللي إنت شايفه دلوقتي.

طيب أنا وناس كتير إلتزمت ومعملتش أي حاجة من دي ذنبي ايه نحصد نتيجة ناس مستهترة ؟! طيب والحل؟

برضه الحل مازال في إلتزامك مالهاش أي حل تاني ومن ناحية تانية بطل ندب وسيب الدولة تقوم بشغلها وتلم وراك زي مالمت وراك كتير السنين اللي فاتت.

“وجهه نظري ياتري حضراتكم شايفين الحل فين والمسؤولية عند مين ؟؟ “

 

علاء حمدي مرزوق – مدينة كفر الشيخ

قد يعجبك ايضا

اكتب تعليقك هنا

%d مدونون معجبون بهذه: